اسلام آباد ( آن لائن )وزیراعظم محمد شہباز شریف کا قطر کے امیر عزت مآب شیخ تمین بن حمد الثانی کو ٹیلی فون ،انہیں عیدالفطر کے پرمسرت موقع پر مبارکباد دی۔ وزیراعظم نے قطر کے برادر عوام کے لیے نیک خواہشات کا بھی اظہار کیا۔قطر کے امیر نے تہہ دل سے مبارکباد پیش کی اور پاکستانی عوام کے لیے نیک تمناؤں کا اظہار کیا۔دونوں رہنماؤں نے دوطرفہ تعلقات کی بہترین حالت پر اطمینان کا اظہار کیا اور دونوں ممالک کے درمیان موجود مضبوط سیاسی اور اقتصادی تعاون کو آگے بڑھانے کا عزم کیا۔ دونوں رہنماؤں نے قریبی رابطہ برقرار رکھنے اور مشترکہ مسائل پر مل کر کام کرنے پر اتفاق کیا۔وزیراعظم شہباز شریف نے امیر قطر کو پاکستان دورے کی دعوت دی جس کے جواب میں امیر قطر نے بھی انہیں قطر کے دورے کی جوابی دعوت دے دی۔