اسلام آباد(نیوز ڈیسک)پاکستان علما کونسل کے مرکزی رہنما حافظ محمد طاہر محمود اشرفی نے کہا ہے کہ دوست ممالک سے ملنے والے تحائف کے حوالہ سے صورتحال افسوسناک ہے۔
اپنے ایک بیان میں حافظ محمد طاہر محمود اشرفی نے کہا کہ توشہ خانہ سے تحائف وصول کرنے کے حوالہ سے صورتحال کو مکمل واضح ہونا چاہیے ، موجودہ صورتحال دوست ممالک میں پورے پاکستان کیلئے شرمندگی کا سبب بن رہی ہے، تحائف کے حوالہ سے عمران خان اور وزارت خارجہ کو صورتحال واضح کرنی چاہیے ، تحائف کے حوالہ سے ذرائع ابلاغ اور سیاسی قیادت دوست ممالک کے نام نہ لیں تو بہتر ہو گا، پاکستان کے اس وقت اسلامی عرب ممالک سے تعلقات بہتر ہیں، کوئی غلط فہمی پیدا نہ ہونے دیں ،تحائف کے حوالہ سے جو صورتحال سامنے آ رہی ہے اس سے پاکستان کا وقار مجروح ہو رہا ہے، اگر تحائف کے حوالہ سے کوئی غیر قانونی کام ہوا ہے تو اس پر ایکشن ہونا چاہیے ، ذرائع ابلاغ پر یہ سلسلہ بند ہونا چاہیے
