لاہور( این این آئی)پاکستان پیپلز پارٹی نے گورنر پنجاب کے لئے سید مخدوم احمد محمود کو نامزد کردیا ہے جو کہ اس سے قبل بھی گورنر پنجاب رہ چکے ہیں۔نجی ٹی وی نے ذرائع کے حوالے سے کہا ہے کہ پیپلز پارٹی نے سید مخدوم احمد محمود کا نام گورنر پنجاب کے لئے نامزد کر کے انہیں اس حوالے سے آگاہ بھی کردیا گیا ہے۔مخدوم احمد محمود اس سے قبل بھی گورنر پنجاب کے عہدے پر رہ چکے ہیں۔واضح رہے کہ اس وقت عمر سرفراز چیمہ گورنر پنجاب ہیں جنہوں نے چند روز قبل سابق گورنر چوہدری محمد سرور کی برطرفی کے بعد یہ عہدہ سنبھالا ہے۔