سا ہیوال(آن لائن/این این آئی) نواحی چک 188۔نو ایل میں زمیندار پیر ریاض حسین شاہ کے بیٹے دلبر شاہ نے 15سالہ ملازمہ سویرا کو مٹی کا تیل چھڑک کر آگ لگا دی سویرا جاں بحق۔واقعات کے مطابق چک189۔نا ئن ایل کے محمد جہانگیر کی بیٹی سویرا عرصہ12سال سے ریاض حسین شاہ کے
گھر ملازمہ تھی جب وہ اپنی بہن کی شادی پر پندرہ یوم قبل اپنے چک آئی تو سویرا نے اپنی ماں خورشید بی بی کو بتایا کہ ریاض حسین شاہ کا بیٹا دلبر شاہ اسے تنگ کرنا اور کام نہ کر نے کے بہانے تشدد کا شنانہ بناتا ہے اسلئے اب وہ مزید نوکری نہیں کرنا چا ہتی ۔جس پر ریاض حسین شاہ کی بیوی کے کہنے پر سویرا کی ماں نے سو یرا کو ریاض حسین شاہ کے گھر بھیج دیا تو دلبر شاہ نے اسکی شکایت کا برا منایا اور مٹی کا تیل چھڑک کرسویرا کو آگ لگا دی جس سے وہ بری طرح جھلس گئی ۔جسے ڈسٹر کٹ ھیڈ کوارٹر ہسپتال اوربعد میں ملتان ریفر کر دیا مگر سویرا دم توڑ گئی۔پولیس ہڑ پہ نے مقتولہ کے باپ محمد جہانگیر کی مد عیت میں مقدمہ 302 ت پ زمیندار کے بیٹے دلبر شاہ کے خلاف درج کر لیا ہے مگر ملزم ابھی تک گرفتار نہیں ہو سکا ۔دوسری جانب ساندہ کے علاقہ میںگھر کے کام کاج نہ کرنے پر سسرالیوں نے بہو کے منہ پر گرم دودھ پھینک دیا ۔بتایاگیاہے کہ ساندہ کے علاقہ میں گھر کے کام کاج نہ کرنے پر سسرالیوں نے بہو کے منہ پر گرم دودھ پھینک دیا ۔متاثرہ لڑکی کے والد مقبول احمد نے تھانہ ساندہ میں اپنے خوشدامن اور داماد سمیت دیگر کے خلاف درخواست دے دی ۔ درخواست میں کہاگیا کہ بیٹی کی ساس،شوہر،شوہر کے بھائی اور بھابھی نے بیٹی کے چہرے پر گرم دودھ پھینکااورتشدد کیا۔گھریلو کام نہ کرنے کی وجہ سے جھگڑا ہوا۔ایس پی اقبال ٹان اخلاق اللہ تارڑ نے ایس ڈی پی او گلشن راوی کو فوری ملزمان کی گرفتاری کی ہدایت کردی ۔
