چترال(این این آئی) عوامی نیشنل پارٹی کے صوبائی صدر ایمل ولی خان نے کہا ہے کہ نیازی کا سیاسی تابوت تیار ہے مولانا نے وضو بھی کر لیا ہے بلاول بھٹوزارداری اور شہباز شریف نے تابوت کو کندھا دینے کے لئے تیار کھڑے ہیں،بس چند دنوں کی بات ہے رسم قل بھی ادا کی جائے گی۔

ان خیالات کا اظہار انہوں نے دروش لوئیر چترال میں خدیجہ بی بی کے انتخابی جلسے سے خطاب کرتے ہوئے کیا۔انہوں نے کہا کہ پی ٹی آئی حکومت نے غریبوں سے جینے کا حق بھی چھین لیا ہے۔اور ہر آنے والا دن عوام پر غذاب بن کر نازل ہوتا ہے۔وقت کا تقاضا ہے کہ سیاست دانوں کے ساتھ ساتھ عوام بھی اٹھ کھڑے ہوں تاکہ آنے والی بلدیاتی الیکشن میں پی ٹی آئی کا صفایا ہو سکے۔انہوں نے کہا کہ جہاں بھی ظلم نا انصافی ہو باشا خان کے پیروکار ان کا مقابلہ کرین گے چاہے وہ فلسطین میں اسرائیل کا کشمیر میں ہندوستان کا یا آفغانستان میں طالبان کا ہو ہم ہر بندوق اٹھانے والوں کے خلاف ہیں۔انہوں نے کہا کہ باشا خان تقسیم ہند کا اس لئے خلاف تھا کہ اس میں مسلمانوں کے اتحاد کو ختم کرکے تقسیم کرنے سے مسلمانوں کی طاقت کو نقصان پہنچا۔ایمل والی خان نے کہا کہ ہم نے قوم کو 1973 کا متفقہ آئین دیا اور اٹھاروین ترمیم کے تحت صوبائی آذادی دی اور پختون قوم کو شناخت دی۔ماضی میں ہمیں غددار بھی کہا گیا مگر زمانے نے دیکھا ہماری پالیسی درست تھی۔اے این پی اپنے صوبے کے عوام کے حقوق کے لئے لڑرہی ہے اور لڑتی رہے گی۔انہوں نے عوام سے کہا کہ وہ اس مرتبہ جدیجہ بی بی کو ووٹ دے کر کامیاب کریں تاکہ عوامی مسائل حل ہو سکیں۔جلسے سے ضلعی صدر الحاج عید الحسین اے این پی کے تحصیل نظامت کے امیدوار خدیجہ بی بی نے بھی خطاب کیا۔