لاہور (آن لائن) پنجاب حکومت نے سرکاری اداروں کی تشہیری مہم پر ٹیکس عائد کرنے کا فیصلہ کیا ہے بتایا گیا ہے کہ اس سے قبل شہر کی مختلف سڑکوں پر سرکاری اداروں کی تشہیری مہم پر کوئی ٹیکس عائد نہیں تھا۔
سرکاری ادارے سپانسر غیر سرکاری تنظیموں کے ساتھ مل کر شہر کی سڑکوں پر اپنی تشہیری مہم بغیر کسی معاوضے کے چلایا کرتے تھے۔ تاہم آئندہ مستقبل میں پارکس اینڈ ہارٹیکلچراتھارٹی کے بورڈ آف ڈائریکٹرز نے ٹیکس عائد کرنے کی منظوری دیتے ہوئے سپانسپر تنظیموں کو دی جانے والی 25 فیصد انکم کا 10 فیصد پی ایچ اے کو دینے کا حکم دیا ہے اور اس مقصد کے لئے پی ایچ اے نے شہر کی مختلف شاہراوں کو چھ کیٹیگری میں تقسیم کردیاہے جن پر نصب بجلی کے کھمبوں پر آویزاں کئے جانے والے فلیکسز پر ٹیکس عائد کرنے کا فیصلہ کیا ہے۔ مختلف سڑکوں کے نرخ مختلف طے کئے گئے ہیں۔
