اسلام آباد (این این آئی) تحریک عدم اعتماد پر ووٹنگ سے قبل ڈی چوک پر جلسہ کرنے کے معاملے پر وفاقی وزرا میں اختلاف کھل کر سامنے آگیا ہے۔ وفاقی وزیر اطلاعات فواد چوہدری نے تقریب سے خطاب کرتے ہوئے کہاکہ عمران کے خلاف عدم اعتماد کا ووٹ دینے کیلئے

اراکین کو 10 لاکھ کے مجمعے سے گزر کر جانا پڑے گا،کس مائی کے لعل میں کلیجہ ہے کہ 10 لاکھ کے مجمعے سے گزرکر عمران خان کے خلاف ووٹ ڈالے اور واپس جائے۔دوسری جانب وزیر خارجہ شاہ محمود قریشی کہتے ہیں کہ ہم تو دھرنا دے ہی نہیں رہے ، لوگ وزیراعظم کا نقطہ نظر سن کر منتشر ہوجائیں گے۔ادھر وفاقی وزیر داخلہ شیخ رشید نے کہا کہ آپ ووٹ ڈالنے آئیں، کسی نے روکا تو وہ ذمہ دار ہوں گے۔ شیخ رشید نے کہا کہ مولانا صاحب کویہ زیب نہیں دیتا کہ لاٹھیاں تیل میں ڈوبی ہونے کی باتیں کریں، مولا جٹ کی سیاست نہیں چلے گی، گا، جن کو آپ میری پارٹی کہہ رہے ہیں، وہ کسی کے ساتھ نہیں، پاکستان کے ساتھ ہیں، وہ سمجھا رہیہیں، معاملات افہام و تفہیم سے حل کریں۔صحافی نے شیخ رشید سے سوال کیا کہ اگر ایسا نہ ہوا تو! اس پر وفاقی وزیر بولے، اگر ایسا نہ ہوا تو دمادم مست قلندر ہوگا۔