ماسکو (این این آئی)روس کے فوجیوں کی یوکرین کے شہر خیرسون میں بینک کا اے ٹی ایم لوٹنے کی مبینہ ویڈیو سوشل میڈیا پر وائرل ہوگئی۔روس نے 24 فروری کو یوکرین پر حملہ کیا تھا جس کے بعد سے دارالحکومت یوکرین اور دیگر شہروں میں جنگ چوتھے روز میں داخل ہوچکی ہے اور گزشتہ روز یوکرین کی جانب سے مذاکرات سے انکار کے بعد روسی افواج کو حملے تیز کرنے کا حکم دیا گیا تھا۔ ایک شہر خیرسون میں روسی فوجیوں کی بینک لوٹنے کی مبینہ ویڈیو وائرل ہوگئی سوشل میڈیا پر ایک ویڈیو زیر گردش ہے جس سے متعلق دعویٰ کیا گیا ہے کہ یوکرین کے شہر میں داخل ہونے والے روسی فوجی اے ٹی ایم لوٹ کر لے جارہے ہیں۔یہ مبینہ طور پر سی سی ٹی وی فوٹیج ہے جس کی کسی آزاد ذرائع سے تصدیق نہیں ہوسکی اور نہ یہ واضح ہے کہ روسی فوجی ہیں۔