اسلام آباد(آن لائن)وفاقی پولیس نے اپنا روایتی انداز دکھاتے ہوئے سینئر صحافی محسن جمیل بیگ کے خلاف حکومتی ایما پر انتقامی کارروائیاں جاری رکھتے ہوئے ناجائز اسلحہ رکھنے پر ایک اور جھوٹی ایف آئی آر درج کر لی ہے۔

ڈیوٹی مجسٹریٹ شعیب نے صحافی محسن جمیل بیگ کو جوڈیشل کردیا ہے۔تفصیلات کے مطابق اسلام آباد پولیس نے اپنا روایتی انداز دکھاتے ہوئے آن لائن نیوز ایجنسی کے مالک اور تجزیہ کار محسن جمیل بیگ کے جسمانی ریمانڈ کے دوران ایک اور مقدمہ درج کر دیا ہے۔جبکہ مقدمہ غیر قانونی اسلحہ رکھنے کی دفعات 13/20/65 کے تحت درج کیا گیا ہے،تھانہ مارگلہ پولیس کے ایس ایچ او نے گذشتہ ہفتہ کی رات محسن جمیل کو تفتیش کے دوران ہتھکڑیوں میں جکڑ کر ان کی رہائش گاہ ایف ایٹ پر لے گئے اور ایک عدد 30 بورپسٹل برآمد کیا۔بعد ازاں گزشتہ روز ڈیوٹی مجسٹریٹ شعیب کی عدالت میں پیش کیا۔ ڈیوٹی مجسٹریٹ شعیب نے سینئر صحافی کو مقدمہ نمبر 96/22 میں جوڈیشل کر دیا ۔