کراچی(این این آئی)معروف خطاط شاہد رسام نے کہاہے کہ دنیا کا سب سے بڑا گولڈ پلیٹڈ قرآن پاک کے نسخہ کی تیاری جاری ہے،لگ بھگ 35 ملین ڈالر کا پراجیکٹ ہے، ساڑھے پانچ سو صفحات پر مشتمل نسخہ مکمل ہونے میں ڈھائی سال مزید لگیں گے، حکومت پاکستان مدد کرے۔

بدھ کو کراچی پریس کلب میں مصنف،ہدایت کار انور مقصود کے ہمراہ دنیا کے سب سے بڑے گولڈ پلیٹڈ قرآن پاک کے نسخے سے متعلق پریس کانفرنس کرتے ہوئے خطاط شاہد رسام نے کہاکہ اس نسخے کے صفحات کی دو میٹر لمبائی اور دو اعشاریہ چھے میٹر چوڑائی ہے، ایلومینیم پر الفاظ تراش کر گولڈ پلیٹ کیے گئے ہیں، دو صفحات مکمل ہونے میں دو سال لگے۔شاہد رسام نے حکومت پاکستان، سندھ حکومت اور فائونڈیشنز سے مدد کی اپیل کرتے ہوئے کہاکہ جن کے سپورٹ سے یہ کام آسان ہوجائے گا۔انور مقصود نے کہاکہ حکومت کو اس کام کی تکمیل میں مدد کرنی چاہیے، ڈسپلے کے لیے میوزیم قائم کرنے کے لیے جگہ چاہیے۔اس موقع پرپریس کلب میں قرآن پاک سے متعلق ڈاکیومنٹری بھی پیش کی گئی، قرآن پاک کی تیاری میں کاغذ کی جگہ کینوس استعمال کیا گیا ہے