کراچی (این این آئی)قوت سماعت اور گویائی سے محروم 12 طلبہ نے انٹر بورڈ کراچی میں اے ون گریڈ حاصل کرلیا ۔ڈیف ریچ اسکول اینڈ کالج کے 12 طالب علموں نے کراچی انٹر بورڈ میں اے ون گریڈ حاصل کرکے اپنی محنت اور لگن کا لوہا منوایا۔اسکول کی پرنسل مہرین کا کہنا ہے کہ

تعلیم سب کا حق ہے اور قوت سماعت اور گویائی سے محروم طالب علموں پر زیادہ محنت کی جاتی ہے تاکہ وہ بھی معاشرے کا کارآمد شہری بن سکیں۔طالب علموں نے حکومت سے اپیل کی ہے کہ ان اور ان جیسے تمام طلبہ کیلئے ماسٹر ڈگری تک کا پروگرام متعارف کروائے تاکہ وہ بھی اعلیٰ تعلیم حاصل کرسکیں۔