لاہور(این این آئی )خبر دار ہوشیار، اب وردی میں ٹک ٹاک نہیں چلے گی، وردی پہن کر ٹک ٹاک بنانے والوں کی شامت آگئی، آئی جی پنجاب نے فیصل آبادسمیت پنجاب بھر میں سخت ایکشن لینے کا حکم دے دیا۔ سوشل میڈیا پر وردی کا استعمال روکنے کے باوجود پولیس اہلکاروں کے متعلق شکایات بڑھنیلگی ہیں۔ پولیس اہلکار دوران ڈیوٹی یونیفارم میں ٹک ٹاک کا استعمال کرنے لگے ہیں۔ آئی

جی پنجاب نے وردی پہن کر دوران ڈیوٹی ٹک ٹاک بنانے والے پولیس اہلکاروں کے خلاف سخت کارروائی کا حکم دے دیا ہے۔اہلکاروں کو سوشل میڈیا پر وردی پہن کرویڈیوزاپلوڈ کرنے سے منع کیا گیا ہے۔ گزشتہ سال سٹینڈنگ آرڈرجاری کرکے ہدایات دی گئی تھیں، اے آئی جی آپریشنز کی جانب سے ایسے اہلکاروں کے خلاف کارروائی کے لئے تمام افسران کومراسلہ بھجوا دیا گیا ہے۔

موضوعات:ٹک ٹاک