دبئی (این این آئی)متحدہ عرب امارات سے پاکستان آنے والی پرواز میں بچیکی پیدائش ہوئی ہے۔ائیرپورٹ ذرائع کے مطابق نجی ائیرلائن کی پرواز شارجہ سے سیالکوٹ آرہی تھی، دوران پرواز خاتون کی طبیعت خراب ہونے کی اطلاع کپتان کودی گئی۔ذرائع نے بتایا کہ کپتان نے کنٹرول ٹاور سے رابطہ کرکے
ملتان ائیرپورٹ پر لینڈنگ کی اجازت طلب کی تاہم جہاز لینڈ ہونے سے قبل ہی بچے کی پیدائش ہوگئی۔ائیرپورٹ ذرائع نے بتایا کہ بچے اور ماں کو نشترہسپتال ملتان شفٹ کردیا گیا ،نجی ائیرلائن کی پرواز سیالکوٹ روانہ ہوئی۔ائیرپورٹ ذرائع کے مطابق گل بانو نامی خاتون کا تعلق شکار پور سے ہے، نومولود اور ماں دونوں صحت مند ہیں۔
