اسلام آباد (مانیٹرنگ ڈیسک /این این آئی )پاکستان سپر لیگ سیون کے دفاعی چمپئین ملتان سلطان کے سابق مالک علی ترین نے ملتان سلطان کے اصل مالک کا بتا دیا ۔ سماجی رابطے کی ویب سائٹ ٹویٹر پر علی ترین سے صارف نے پوچھا کہ ’ سر ملتان سلطان کا مالک کون ہے ؟ جس کے جواب میں علی ترین کاکہنا تھا کہ اب ملتان سلطان کے مالک میرے چچا ’’ عالمگیر ترین ‘‘ ہیں ۔

اس پر ایک اور صارف کی جانب سے کہا گیا کہ چچا تو کراچی کنگز بھی لے سکتے تھے ، جس کے جواب علی ترین نے smileکا ایموجی بناکر جواب خاموش رہے ۔ دوسری جانب پاکستان سپر لیگ سیون کی اب تک کی ناقابلِ شکست رہنے والی ٹیم ملتان سلطانز کے مایہ ناز کھلاڑی محمد رضوان نے مداحوں کے لیے خصوصی پیغام شیئر کرتے ہوئے کہا ہے کہ ٹیم کا ہر کھلاڑی فاتح ہے۔رضوان نے ٹوئٹر پر جاری پیغام میں ایونٹ کے پانچوں مقابلوں میں کامیابی پر اللہ کا شکر ادا کیا اور ساتھ ہی انہوں نے لکھا کہ ہماری ٹیم نے کراچی میں ٹورنامنٹ کا آغاز غیر معمولی طریقے سے کیا، اس ٹیم کا ہر کھلاڑی فاتح ہے۔ٹیم کے کپتان نے کہا کہ اس موقع پر میں پوری منیجمنٹ، مالکان اور کوچنگ اسٹاف کا شکرگزار ہوں، امید ہے یہ ہی کارکردگی لاہور میں کھیلے جانے والے میچز میں بھی برقرار رہے گی۔رضوان نے اپنی ایک اور ٹوئٹ میں کہا کہ ہمارے شاندار فینز، براہِ کرم ہمیں اپنی دعاؤں میں یاد رکھیں، ہم آپ کی جانب سے ملنے والی سپورٹ کی تہہ دل سے قدر کرتے ہیں، آپ لوگ تعریف کے قابل ہیں۔