لاہور(این این آئی)عدالت نے شیخوپورہ کے تاریخی باغ میں دکانوں کی تعمیر سے روکدیا،فریقین کو نوٹس جاری کرتے ہوئے جواب طلب کرلیا ۔لاہور ہائی کورٹ میں شیخوپورہ کے کمپنی باغ کی تاریخی حیثیت کو ختم کرنے کے کیس کی سماعت ہوئی، جسٹس شاہد وحید نے شہری یاسر خان کی درخواست پر سماعت کی۔درخواست میں موقف اختیار کیا گیا کہ کمپنی باغ مغل بادشاہ جہانگیر کے دور
حکومت میں تعمیر کیا گیا، انگریز کے دور میں کمپنی باغ کی حیثیت کو برقرار رکھا گیا۔ تاہم اب قانونی تقاضے پورے کیے بغیر کمپنی باغ میں ماڈل بازار بنا دیا گیا ہے۔استدعا ہے کہ عدالت کمپنی باغ کی تاریخی حیثیت کو بحال کرنے کا حکم دے۔سماعت کے بعد عدالت نے انتظامیہ کو کمپنی باغ میں دکانوں کی تعمیر سے روک دیا، عدالت نے فریقین کو نوٹس جاری کر کے 10 فروری کو جواب طلب کیا ہے۔
