سوات ( آن لائن )سوات میں پسند کی شادی کرنے والے جوڑے کے قتل کے الزام میں 5 افراد گرفتار کر لیے گئے ہیں، قتل میں رشتہ داروں کے ملوث ہونے کے شواہد ملے ہیں۔پولیس نے بتایا کہ پسند کی شادی سے مبینہ طور پر دونوں کے گھر والے خوش نہیں تھے، ابتدائی طور پر مقدمہ نامعلوم افراد کے خلاف درج کیا گیا تھا۔پولیس کے مطابق نواحی علاقے کچیان میں گزشتہ ہفتے ہی کوہستان جنکوٹ کے

مجیب رحمان اور مسمات لاہور بی بی نے کرایہ پر گھر لیکر سکونت اختیار کی تھی، نامعلوم ملزمان نے رات کے وقت چھری سے دونوں کے گلے کاٹ کر انہیں قتل کردیا۔مقتولین کے پاس موجود نکاح نامہ کے مطابق دونوں کا نکاح 21 ستمبر2021کو روبرو گواہان ہوا جس کی 30 جنوری2022 کو رجسٹریشن کی۔پولیس کے مطابق 5 فروری کو پسند کی شادی کرنے والے جوڑے کو قتل کر دیا گیا تھا ۔