سرگودھا(این این آئی)سرگودھا میں اجتماعی زیادتی اور ویڈیو کی شکار 28 سالہ دوشیزہ کو انصاف نہ ملنے اور غیرت کے نام پر حقیقی بھائی نے فائرنگ کر کے موت کے گھاٹ اتار دیا اور فرار ہو گیا۔پولیس نے مقتولہ کی نعش پوسٹمارٹم کے لئے ہسپتال منتقل کر کے تفتیش شروع کر دی۔زرائع کے مطابق سرگودھا لاہور روڈ پر قصبہ لکسیاں کے گاوں بہک لڑکا میں چند روز قبل 28 سالہ دوشیزہ کو علاقہ کے چار اوباش افراد نے اجتماعی زیادتی کا نشانہ بنا ڈالا اور اس کی
ویڈیو بنا کر اہل خانہ کے لئے معاملہ اذیت بنا دیا۔جس پر پولیس گینگ ریپ کا مقدمہ درج کر کے مصروف تفتیش تھی کہ گزشتہ روز بہن سے اجتماعی زیادتی میں تاحال انصاف نہ ملنے اور غیرت کے نام پر نوجوان بھائی یاسر نے اپنی 28 سالہ بہن مسرت بی بی کو فائرنگ کر کے موت کے گھاٹ اتار دیا اور فرار ہو گیا۔تھانہ لکسیاں پولیس نے مقتولہ کی نعش پوسٹمارٹم کے لئے ٹی ایچ کیو ہسپتال منتقل کر کے تفتیش شروع کر دی اور ملزم کی تلاش میں چھاپے مارے جا رہے ہیں۔
