راولپنڈی(این این آئی)سیکیورٹی فورسز نے بلوچستان کے علاقوں پنجگور اور نوشکی میں 72 گھنٹوں میں کلئیرنس آپریشنز مکمل کرتے ہوئے 20 دہشت گردوں کو ہلاک کردیا، ان میں انتہائی مطلوب دہشت گرد بھی شامل ہے۔پاک فوج کے شعبہ تعلقاتِ عامہ (آئی ایس پی آر) کے مطابق پنجگور اور نوشکی میں ہونے والے آپریشنز کے دوران 20 دہشت گرد مارے گئے،
سیکیورٹی فورسز نے پنجگور اور نوشکی میں کلیئرنس آپریشن مکمل کرلئے، دہشت گردوں نے 2 فروری کی رات نوشکی اور پنجگور میں سیکیورٹی فورسز کے کیمپوں پرحملے کئے تھے۔آئی ایس پی آر کے مطابق سیکیورٹی فورسز نے بھرہور جوابی کارروائی کے دوران دونوں مقامات پر دہشت گردوں کے حملے ناکام بنائے، نوشکی میں آپریشنز کے دوران 9 دہشت گرد مارے گئے، ایک افسر سمیت 4 سیکیورٹی اہلکار شہید ہوئے۔دوسری جانب پنجگور میں سیکیورٹی فورسز نے شدید مقابلے کے بعد دہشت گردوں کا حملہ ناکام بنایا، سیکیورٹی فورسز نے کلیئرنس آپریشن کے دوران اور بھاگنے والے 4 دہشتگردوں کو گھیرے میں لے کر ہلاک کیا۔آئی ایس پی آر کے مطابق تمام دہشت گرد آج آپریشن کے دوران مارے گئے ہیں، پنجگور آپریشن کے دوران ایک جیسی او سمیت 5 جوان شہید اور6 زخمی ہوئے۔پاک فوج کے ترجمان نے بتایا کہ پنجگور میں فالو اپ آپریشن 72 گھنٹے جاری رہا، ایک روز قبل 3 متعلقہ دہشت گرد مقابلے میں مارے گئے تھے، ان میں 2 انتہائی مطلوب دہشت گرد شامل تھے۔آئی ایس پی آر کے مطابق سیکیورٹی فورسز دہشت گردی کے خاتمے کیلئے پرعزم ہے، اور ہرقیمت پر اپنی سرزمین سے دہشت گردوں کاخاتمہ یقینی بنائیں گی۔واضح رہے کہ دو فروری کی شب دہشت گردوں نے بلوچستان کے دو مختلف علاقوں پنجگور اور نوشکی میں سیکیورٹی فورسز کی چیک پوسٹوں پر حملہ کیا تھا۔
پاک فوج کے ترجمان کا کہنا تھا کہ نوشکی میں دہشت گردوں نے فرنٹیئر کور (ایف سی) کے کیمپ میں داخل ہونے کی کوشش کی جس کا ’فوری جواب‘ دیا گیا۔سکیورٹی فورسز نے جنوبی وزیرستان میں آپریشن کے دوران ایک دہشت گرد کو گرفتار کر کے اسلحہ برآمد کرلیا۔پاک فوج کے شعبہ تعلقات عامہ (آئی ایس پی آر) کے مطابق
سکیورٹی فورسز نے جنوبی وزیرستان کے علاقے سرواکئی میں انٹیلی جنس بیسڈ آپریشن کے دوران دہشت گرد اللہ نور کو حراست میں لے لیا۔آئی ایس پی آر کے مطابق دہشت گرد اللہ نور کا تعلق کالعدم تحریک طالبا پاکستان (ٹی ٹی پی) سے ہے، اللہ نور آپریشن کے دوران برقعہ پہن کر فرار ہونے کی کوشش کر رہا تھا۔آپریشن میں مختلف ہتھیار، گولیاں، گرینیڈز اور آلات مواصلات برآمد ہوئے ہیں۔دوسری جانب قانون نافذ کرنے والے اداروں نے جنوبی
وزیرستان کے علاقے مکین میں آپریشن کرتے ہوئے 4 افراد کو گرفتار کرلیا۔آپریشن کے دوران ایم 16 رائفلز اور دیگر اسلحہ برآمد ہوا، ملزمان اسلحہ درہ آدم خیل منتقل کرنے والے کرنے کی کوشش کر رہے تھے۔خیال رہے کہ سکیورٹی فورسز نے نوشکی اور پنجگور میں کلیئرنس آپریشنز مکمل کر لیے ہیں، اس دوران 20 دہشت گردوں کو ہلاک کیا گیا۔دہشت گردوں نے 2 فروری کی رات نوشکی اور پنجگور میں سکیورٹی فورسز کے کیمپوں پر حملے کیے تھے جسے فورسز نے ناکام بنا دیا تھا۔
