کراچی (این این آئی)قومی کرکٹ ٹیم کے سابق کپتان شاہد آفریدی نے کہاہے کہ یوم یکجہتی کشمیر پر، میں اپنے تمام بھائیوں اور بہنوں کے ساتھ کھڑا ہوں۔ کشمیر یوں سے اظہار یکجہتی کرتے ہوئے مائیکرو بلاگنگ سائٹ ٹوئٹر پر جاری کیے گئے پیغام کا آغاز شاہد آفریدی نے اس شعر سے کیا،میر کی جلتی وادی میں بہتے لہو کا شور سنو،میں وادی ہوں شہیدوں کی، ہاں مجھے کشمیر کہتے ہیں ۔شاہد آفریدی نے کہا کہ اس یومِ یک جہتی کشمیر پر، میں اپنے تمام بھائیوں اور بہنوں کے ساتھ کھڑا ہوں جو بحیثیت قوم اپنے حقوق اور آزادی کے لیے جدوجہد جاری رکھے ہوئے ہیں۔اْنہوں نے کہا کہ اللّہ تعالیٰ ہمیں اپنے ضرورت مند بھائیوں کی مدد کرنے کی توفیق عطا فرمائے۔