لاہور(این این آئی)پاکستان مسلم لیگ (ن) کے صدر شہباز شریف نے حکومت کو مدت سے پہلے گھر بھیجنے کے بعد باقی مدت اس کے ساڑھے تین سالوں کا بوجھ اٹھانے کے حوالے سے سوال کے جواب میں کہا کہ اگر میں نے آپ کو ساری باتیں ابھی بتا دیں تو پھر تو ساری کہانی ہی ختم ہو جائے گی جس پر بھرپور قہقہ بلند ہوا۔ پاکستان مسلم لیگ (ن) کے صدر شہباز شریف نے کہا ہے کہ ٹوٹے دل جڑ بھی جاتے ہیں۔ جب صحافی نے سوال کیا کہ پی ڈی ایم کا اتحاد تاریخ کا پہلا اتحاد تھا جو حکومت کو گرانے نکلا لیکن خود ہی ٹوٹ گیا قیادت پر بھی غور کریں گے کہ کیا عوامل تھے کہ پیپلز پارٹی جیسی بڑی جماعت کو کو الگ کر دیا گیا۔ شہباز شریف نے کہا کہ آپ فکر نہ کریں ٹوٹے ہوئے دل مل جاتے ہیں۔