سڈنی (این این آئی)آسٹریلیا کے کوچ جسٹن لینگر نے استعفیٰ دے دیاجسے منظور کرلیا گیا ۔سماجی رابطے کی سائٹ ٹوئٹر پیغام میں کرکٹ آسٹریلیا نے کہا کہ جسٹن لینگر کا استعفیٰ ملا جو قبول کر لیا گیا ہے۔جسٹن لینگر کو مختصر وقت کے لیے معاہدے میں توسیع کی پیشکش کی گئی تھی، انہوں نے پیشکش قبول نہیں کی۔
کرکٹ آسٹریلیا کا کہنا ہے کہ اینڈریو میکڈانلڈ عبوری ہیڈ کوچ ہوں گے۔واضح رہے کہ گزشتہ روز کرکٹ آسٹریلیا نے دورہ پاکستان کی منظوری دی تھی جس کے بعد آسٹریلیا کرکٹ ٹیم کے دورہ پاکستان کا نیا شیڈول جاری کیا گیا، تین ٹیسٹ، تین ون ڈے اور ایک ٹی ٹوئنٹی انٹرنیشنل میچز پر مشتمل سیریز کا آغاز راولپنڈی سے ہوگا۔
