اسلام آباد (آن لائن)مہنگائی کی شرح میں معمولی کمی کے بعد ایک بار پھر بڑا اضافہ،ایک ہفتے کے دوران مہنگائی کی شرح میں 1.35 فیصد اضافہ ریکارڈ کیا گیاہے جس کے بعدمہنگائی کی ہفتہ وار شرح 19.53 فیصد تک پہنچ گئی۔ادارہ شماریات نے ہفتہ وار مہنگائی کے

اعداد و شمار جاری کر دیئے۔ رپورٹ کے مطابق ایک ہفتے کے دوران 22 اشیا کی قیمتوں میں اضافہ ریکارڈ کیا گیا۔ایک ہفتے میں 6 اشیا کی قیمتوں میں کمی اور 23 کی قمیتوں میں استحکام رہا۔سب سے کم آمدن والے افراد کے لیے مہنگائی 21.46 فیصد پر پہنچ گئی۔ایک ہفتے میں ٹماٹر اوسط 70 روپے 94 پیسے فی کلو مہنگا ہوا۔ٹماٹر کی اوسط قیمت 149 روپے 65 پیسے فی کلو ہوگئی۔زندہ مرغی اوسط 19 روپے 33 پیسے فی کلو مہنگی ہوئی۔زندہ مرغی کی اوسط قیمت 203 روپے 39 پیسے فی کلو ہوگئی۔ایک ہفتے میں لہسن 17 روپے 80 پیسے فی کلو مہنگا ہوا۔سرسوں کا تیل 9 روپے 19 پیسے فی کلو مہنگا ہوا۔ایل پی جی کا گھریلو سلنڈر 35 روپے 87 پیسے مہنگا ہوا۔آٹے کا 20 کلو کا تھیلا 3 روپے 32 پیسے مہنگا ہوا۔حالیہ ہفتے دودھ, دہی, مٹن اور بیف مہنگے ہوئے۔ دال مسور,دال چنا,کیلے اور انرجی سیور بھی مہنگے ہوئے۔

موضوعات:مہنگائی کی شرح