شہزاد اکبر کے بعد حکومت میں شامل مزید 2بڑی شخصیات کی بھی عنقریب چھٹی ، عمران خا ن نے استعفے مانگ لئے

  منگل‬‮ 25 جنوری‬‮ 2022  |  17:41

اسلام آباد (مانیٹرنگ ڈیسک ، این این آئی)نجی ٹی وی پروگرام میں گفتگو کرتے ہوئے سینئر صحافی عارف حمید بھٹی کا کہنا ہے کہ شہزاد اکبر کے بعد دو اور استعفے بھی تیار ہیں جن میں ایک وزیر بھی شامل ہے۔انہوں نے دعویٰ کیا کہ ایک شخص کو تو وزیراعظم عمران خان خود نکالنا چاہتے ہیں جب کہ دوسرے کی کرپشن کا کچا چٹھا وزیراعظم صاحب کی

میز تک پہنچا ہے جس کو دیکھ کر وہ خود سر پکڑ کر بیٹھ گئے ہیں کہ اپوزیشن کی کرپشن بے نقاب کرنے کے دعوے کرنے والی حکومت میں بھی لوگ ہیں جن کا کرپشن کا بہت بڑا ریکارڈ ہے۔انہوں نے کہا اس بارے میں حتمی طور پر نہیں کہا جا سکتا کہ وہ استعفے دیں گے یا نہیں بہرحال وزیراعظم کی جانب سے استعفے مانگ لیے گئے ہیں۔یاد رہے کہ گزشتہ روزوزیراعظم کے مشیر برائے داخلہ اور احتساب شہزاد اکبر نے استعفیٰ دے دیا تھا۔ ٹوئٹر پر جاری بیان میں وزیراعظم کے مشیر شہزاد اکبر نے استعفیٰ دیے جانے کی تصدیق کی۔شہزاد اکبر نے کہا کہ میں نے اپنا استعفیٰ وزیر اعظم عمران خان کو بھیج دیا ہے اور امید ہے عمران خان کی زیر قیادت احتساب کا عمل جاری رہے گا۔ذرائع کے مطابق شہزاد اکبر نے وزیراعظم کے مشیر برائے احتساب کے عہدے سے استعفیٰ دیا ہے البتہ ان کے مشیر برائے داخلہ کے حوالے سے صورتحال ابھی واضح نہیں۔ذرائع کے مطابق 18 جنوری کو کابینہ کمیٹی کی میٹنگ میں شیخ رشید نے نوازشریف کی واپسی سے متعلق سوال اٹھایا تھا جس پر شہزاد اکبر نے نواز شریف کی واپسی کو مشکل قرار دیا تھا۔ذرائع نے بتایاکہ وزیراعظم عمران خان شہزاد اکبر کی کارکردگی سے خوش نہیں تھے اور انہیں دو ہفتے پہلے ہی استعفیٰ دینے کا اشارہ دیا گیا تھا۔ذرائع کے مطابق شہزاد اکبر کو خود سے استعفیٰ دے کر جانے کا کہا گیا بصورت دیگر وزیراعظم انہیں برطرف کرسکتے تھے۔



موضوعات:

زیرو پوائنٹ

میٹرو بس سروس بندکردی گئی

اسلام آباد (مانیٹرنگ ڈیسک/این این آئی ) تحریک انصاف کے لانگ مارچ کے باعث راولپنڈی اسلام آباد میٹرو بس سروس بند کردی گئی۔تفصیلات کے مطابق میٹروبس انتظامیہ کے مطابق میٹرو بس سروس راولپنڈی اور اسلام آباد انتظامیہ کی درخواست پربندکی گئی، میٹرو بس سروس ممکنہ طور پر 26 تاریخ تک بند رہےگی۔نجی ٹی وی جیو کے ذرائع کا کہنا ہےکہ ....مزید پڑھئے‎

اسلام آباد (مانیٹرنگ ڈیسک/این این آئی ) تحریک انصاف کے لانگ مارچ کے باعث راولپنڈی اسلام آباد میٹرو بس سروس بند کردی گئی۔تفصیلات کے مطابق میٹروبس انتظامیہ کے مطابق میٹرو بس سروس راولپنڈی اور اسلام آباد انتظامیہ کی درخواست پربندکی گئی، میٹرو بس سروس ممکنہ طور پر 26 تاریخ تک بند رہےگی۔نجی ٹی وی جیو کے ذرائع کا کہنا ہےکہ ....مزید پڑھئے‎