اسلام آباد ( آن لائن )وفاقی وزیر اطلاعات و نشریات فواد چوہدری نے کہا ہے کہ رواں سال اوور سیز پاکستانیوں نے 31 ارب ڈالر ز پاکستان بھجوائے۔ دبئی ایکسپو 2020 میں پاکستان فلم ویک کے آغازپر خطاب کرتے ہوئے وزیر اطلاعات نے کہا کہ ہم ہر وہ کام کریں گے

جس سے پاکستانی پاسپورٹ کی عزت بڑھے۔وفاقی وزیر نے فلم ویک میں بھارتیوں کی موجود گی پر خوشی کا اظہار کرتے ہوئے انھیں بھی خوش آمدید کہا اور اپنے خطاب میں مودی کے نام پیغام بھی دیا کہ مودی جی سے کہنا چاہتا ہوں کہ تم اپنے عقیدوں کے نیزے ہر دل میں اتارے جاتے ہو، ہم لوگ محبت والے ہیں تم خنجر کیوں لہراتے ہو۔ وزیر اطلاعات کا مزید کہنا تھا کہ ہم محبت والے لوگ ہیں امن کی بات کرتے ہیں، ہم اس خطے کو آگے لیکر چلنا چاہتے ہیں، پاکستان اور بھارت امن کے ساتھ رہیں، میوزک، کلچر اور کرکٹ ہمیں ایک دوسرے سے جوڑتی ہے