ریاض (این این آئی)صدارت عامہ برائے امور حرمین شریفین کے زیراہتمام انجینیرنگ پراجیکٹس اینڈ سٹڈیز ایجنسی مسجد حرام اور اس کے صحنوں اور سہولیات کے مقامی رہ نمائی کے نقشے دکھانے کے لیے انٹرایکٹو اسکرین گائیڈ سروس فراہم کی ہے۔ اس سروس کا مقصد مسجد حرام کے لیے

رہ نمائی کے نظام کو ترقی دینا اور سروسز کے معیار کو بہتر کرنا ہے۔میڈیارپورٹس کے مطابق جنرل ڈیپارٹمنٹ آف سروے اینڈ جیوگرافک انفارمیشن سسٹمز کے ڈائریکٹر انجینیر ادیب بن حسن کاظم نے کہا کہ اس سروس کا مقصد مذہبی شعائر کی ادائیگی اور مشاعر مقدسہ ، مطاف اور مسعی کی عمارت کو براہ راست دکھا کر ان تک رسائی میں مدد فراہم کرنا ہے۔اس سروسز کی مدد سے ڈیوائس کے مقام سے مطلوبہ منزل تک نقل و حرکت کے راستے، جنرل پریزیڈنسی کی طرف سے فراہم کردہ سہولیات اور سروس سائٹس کے علاوہ بیت الخلا کی سہولیات، کارٹ سروس سائٹس اور دیگر نشانات سمیت 16 سے زیادہ مقامات کی نشاندہی کی گئی ہے۔انٹرایکٹو اسکرین بیت اللہ میں آنے والوں کے ثقافتی اور علمی تنوع کے مطابق 6 سے زیادہ بڑی زبانوں میں ڈیٹا ڈسپلے کرنے کی بھی اجازت دیتی ہے۔اسے کیو آر کوڈ کے استعمال کے استفادہ کیا جا سکتا ہے۔ حرم مکی میں متعلقہ مقام تک رسائی اور اس تک پہنچنے کے لیے مقام کو برائوز کرکے ان تک پہنچا جا سکتا ہے۔کاظم نے مزید کہا کہ موجودہ ڈیزائن ایک دھاتی فریم (اسٹائل سٹیل)ہے جس کی لمبائی 1.840 میٹر اور چوڑائی 1.855 میٹر ہے۔ کاغذی نقشہ 1.759 میٹر لمبا، 1.762 میٹر چوڑا اور زمین کی سطح سے اونچائی میں مختلف ہے۔

موضوعات:مسجد حرام