لاہور(این این آئی) وزیراعظم عمران خان ایک بار پھر عوامی شکایات اور آرا ء سننے کے لئے تیار ہیں، گفتگو ٹیلی ویژن،ریڈیو، ڈیجیٹل میڈیا پربراہ راست نشر کی جائے گی۔معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے پیغام میں کہا کہ وزیراعظم عمران خان 23 جنوری 3بجے آپ کا وزیراعظم پروگرام میں عوام کی براہ راست فون کالز موصول کریں گے اور فون کالز کے ذریعے عوامی شکایات اور آرا ء سنیں گے جبکہ حکومت کے اقدامات سے عوام کو آگاہ کریں گے۔ خیال رہے وزیراعظم عمران خان کئی بار عوام سے ٹیلی فون پر براہ راست گفتگو کرچکے ہیں، جس میں وہ عوام کے مسائل سنتے ہیں جبکہ یہ گفتگو ٹیلی ویژن،ریڈیو، ڈیجیٹل میڈیاپربراہ راست نشر کی جاتی ہے۔

موضوعات:وزیراعظم عمران خان