لاہور (این این آئی ) مرسیڈیز بینز نے شمسی توانائی سے ایک چارج میں ایک ہزار سے زیادہ کلومیٹر تک چلنے والی پروٹوٹائپ گاڑی ویڑن ای کیو ایکس ایکس پیش کر دی ہے۔اس وقت بیٹری آپریٹڈ کاروں میں سے لوسڈ ایئر کی رینج 520 میل جبکہ ٹیسلا ماڈل ایس کی رینج 402 میل ہے۔ یعنی اس کا مطلب یہ ہے کہ صرف مرسیڈیز کار ہی ایک چارج میں فیصل آباد سے کراچی پہنچ سکے گی۔فی

100 کلومیٹر 10 kWh سے کم توانائی کی کھپت رکھنے والی ورڑن ای کیو ایکس ایکس کو اب تک بنائی گئی سب سے زیادہ کارآمد مرسیڈیز بینز کہا جاتا ہے۔ٹیسلا کا ماڈل ایس 60 فی الحال 100 کلومیٹر فاصلہ طے کرنے کے لیے 18.1 kWh توانائی استعمال کرتی ہے۔ مرسیڈیز کی کوپ سیڈان کی ساخت ہوا کی انتہائی کم مزاحمت پیش کرنے والے ڈیزائن پر مشتمل ہے جبکہ مرسیڈیز ای ویز کے مقابلے اس کا بیٹری پیک چھوٹا ہے۔ کیبن میں استعمال کیا جانیوالا میٹریل اورجنل چمڑے کی بجائے کیکٹس فائبر اور ریکسین سے بنا ہے۔الیکٹرک موٹر آٹو ٹرانسمشن اور الیکٹرانکس پر مشتمل انجن کے پارٹس مستقبل کی ٹیکنالوجی یعنی سلیکان کاربائڈ سے تیارشدہ ہیں۔ اسی طرح سولر سیل جو لیتئھم آئرن فاسفیٹ بیٹری کو توانائی فراہم کریں گے گاڑی کی چھت میں نصب ہوں گے ، اس بیٹری سے گاڑی کی لائٹس، ائیرکنڈیشننگ سسٹم اور انفوٹینمنٹ سسٹم آپریٹ ہوگا۔فی الحال ویڑن ای کیو ایکس ایکس پروٹوٹائپ گاڑی ہے لیکن اگلے دوسالوں تک اس پر مشتمل گاڑیوں کو مارکیٹ میں فروخت کے لئے پیش کیا جاسکتا ہے ڈیملر اس وقت ایفی شئینٹ الیکٹرک بیٹریوں کے آٹھ پلانٹس کی تعمیر کے لئے سرتوڑ کوششیں کررہی ہے یادرہے2025 کے بعد سے مرسیڈیز کے تمام نئے گاڑیوں کے پلیٹ فارم صرف ای وی بنائیں گے۔مارکس شیفر چیف ٹیکنالوجی آفیسر کے مطابق ڈیملر چھ ماہ کے اندر دنیا کے مختلف خطوں پر اس پروٹوٹائپ کی آزمائش کرے گا۔ تاہم کچھ پارٹس مرسیڈیز بینز الیکٹرک کاروں کے لئے دو سے تین سالوں کے اندردستیاب ہوں گے۔

موضوعات:مرسڈیز