کراچی (این این آئی)سندھ ہائی کورٹ میں وفاقی وزیر اطلاعات فواد چوہدری کو نااہل قرار دینے کے لیے درخواست دائر کردی گئی۔جمعہ کو سندھ ہائی کورٹ میں معروف قانون دان سہیل حمید نے فیڈریشن آف پاکستان،وفاقی حکومت،اسپیکر قومی اسمبلی،
وفاقی وزیر اطلاعات فواد چوہدری کو فریق بناتے ہوئے آئینی درخواست دائر کرتے ہوئے موقف اختیار کیا ہے کہ وفاقی وزیراطلاعات و نشریات فواد چوہدری نے اپنے حالیہ بیان میں جومختلف اخبارات میں شائع ہوا ہے اس میں دوقومی نظریے کی شدید ترین مخالفت کی گئی ہے جبکہ پاکستان دو قومی نظریے کی بنیاد پرمعروض وجود میں آیا اور پاکستان ایک اسلامی ملک ہے۔آئین پاکستان اس بات کا شاہد ہے کہ پاکستان اسلامی ملک ہے اور آئین کی شق 63-Gکے تحت فواد چوہدری اور دیگر کے خلاف متضاد بیان دینے پر اور قومی نظریے کے وجوو کو ختم کرنے کے خلاف بیان پر کارروائی کی جائے اور عدالت سے استدعا ہے کہ یہ تمام معاملہ الیکشن کمیشن آف پاکستان بھیجا جائے تاکہ ملک میں جو صورت حال پیدا کی گئی ہے اس سے نجات ملے۔فواد چوہدری نے اپنے بیان میں یہ بھی کہا ہے کہ قائد اعظم محمد علی جناح پاکستان کو مذہبی ریاست نہیں بنانا چاہتے جو حقائق کے برخلاف ہے۔عدالت سے استدعا ہے کہ فواد چوہدری کو نااہل قرار دیا جائے۔
