سیالکوٹ ( آن لائن ) مسلم لیگ ن کے رہنما ،سابق وفاقی وزیر خواجہ محمد آصف نے کہا ہے سیاسی موسم بدل رہاہے ،ہمارے ملک کو اتنا نقصان آمریت نہیں پہنچایا جتنا عمران خان نے پہنچایا ہے، نہ جانے کتنا وقت اس نقصان کے ازالے میں لگے گا۔ وہ 25 دسمبر یوم ولادت
بانی پاکستان قائد اعظم محمد علی جناح، محمد نواز شریف اور کرسمس کے حوالے سے مرکزی آفس مسلم لیگ ن پیرس روڑ سیالکوٹ میں تقریب سے خطاب کر رہے تھے ۔ خواجہ آصف نے کہا کرسمس کے موقع پر کرسچن کمیونٹی کو مبارکباد پیش کرتے ھیں اور قائد اعظم محمد علی جناح اور میاں نواز شریف کے جنم دن پر مبارکباد پیش کرتے ھیں،خواجہ آصف نے کہا کہ نواز شریف کو اللہ تعالیٰ صحت وتندرستی عطا فرمائے اور وہ وطن واپس آئیں۔سابق وفاقی وزیر نے کہا کہ پاکستان میں ایک ایسا معاشرے کی تشکیل ھونی چاھئے جہاں ھر ایک کو مذھبی آزادی حاصل ھو۔ھمارے ملک میں فوجی آمریت نے اتنا نقصان نہیں پہنچایا جتنا عمران خان نے پہنچایا ھے۔اس نقصان کا ازالہ کرتے ھوئے ھمیں بہت زیادہ وقت لگے گا۔ عمران خان نے 2018 میں جھوٹے وعدے کئے۔عمران خان اور اسکے ساتھ جڑے ھوئے لوگ کم عقل ھیں۔خواجہ آصف کا کہنا تھا کہ سیاسی موسم بدل رہا ھے۔ اس موقع پر جبکہ ایم پی اے خواجہ منشاء اللہ بٹ، مسلم لیگ ن ضلعی صدر چودھری طارق سبحانی،یم پی اے سیدہ گلناز پاشا، سٹی، ایم این اے چودھری ارمغان سبحانی ،، میئر چودھری توحید اختر و دیگر کے علاوہ کارکنوں نے کثیر تعداد میں شرکت کی ۔
