اسلام آباد (مانیٹرنگ ڈیسک/آن لائن )سینٹ آفیسر پر خواتین حراسگی اور ویڈیوز بنا کر بلیک میل کرنے پر مقدمہ اندراج کے بعد چیئرمین سینٹ نے بھی نوٹس لے لیا ہے،معطل کر کے انکوائری کا حکم دیدیا گیا،گزشتہ روز تھانہ کوہسار میں سینٹ میں گریڈ اٹھارہ کے ملازم رانا اظہر پر

خواتین حراسگی اور ویڈیوز بنا کر بلیک میل کرنے جیسے سنگین الزامات پر مقدمہ درج ہوا تو اس پر چیئرمین سینٹ صادق سنجرانی نے بھی فوری نوٹس لے لیا اور مذکورہ آفیسر کو معطل کر کے انکوائری کا حکم دیدیا ہے ۔قبل ازیں اسلام آباد میں خواتین کو ویڈیو بناکر ہراساں کرنے کے کیس میںویڈیو وائرل ہونے پر اسلام آباد پولیس نے خواتین سے رابطہ کرکے واقعے کی ایف آئی آر درج کرلی۔نجی ٹی وی کےمطابق ہراساں کرنے والا رانا اظہر سینیٹ کی قانون سازی برانچ کا گریڈ 18 کا ملازم ہے۔ایف آئی آر کے مطابق خواتین نے اے ٹی ایم پر ان کی ویڈیو بنا کر ہراساں کرنے والے شخص کی ویڈیو بنائی، خواتین نے ویڈیو بنانے والے شخص سے پوچھا کہ وہ ان کی ویڈیو کیوں بنارہا ہے۔ایف آئی آر کے مطابق ہراساں کرنے والےشخص نے سوری کہہ کر ویڈیو بنانے کا اعتراف کیا اور دوڑ لگادی۔پولیس نے ہراسانی کی دفعات کے تحت مقدمہ درج کر لیا۔