لاہور( این این آئی)مقامی عدالت نے بھیک نہ مانگنے پر سات سالہ بیٹی کو قتل کر نے والے باپ کو 25سال قید اور 42 لاکھ روپے جرمانے کی سزا سنادی۔ایڈیشنل سیشن جج محمد ممتاز نے بھیک نہ مانگنے پر سگے والد کی جانب سے7سالہ بچی کو قتل کرکے کوڑے کے ڈھیر پر پھینکنے سے
متعلق کیس کا27 صفحات پر مشتمل تحریری فیصلہ جاری کیا۔ملزم کے خلاف 20 گواہان نے بیان قلمبند کروائے ۔تحریری فیصلے کے مطابق محمد سعید کوٹ عبدالمالک کا رہائشی ہے، اپنی 7سالہ بچی کو بھیک مانگنے پر مجبور کرتا تھا، بچی کے بھیک نہ مانگنے پر والد سا کو تشدد نشانہ بناتا تھا۔تحریری فیصلے کے مطابق ملزم نے بھیک نہ مانگنے پر طیش میں آکر تشدد کر کے سات سالہ بیٹی کو ہلاک کردیا، ملزم نے بچی کو ہلاک کرنے کے بعد پلاسٹک بیگ میں ڈال کر لاش خالی پلاٹ میں کوڑے کے ڈھیر پر پھینک دی۔ میڈیکل رپورٹ کے مطابق میں بچی کے جسم پر تشدد کے نشانات موجود تھے۔عدالت نے گواہان کے بیانات اور میڈیکل رپورٹ کی روشنی میں جرم ثابت ہونے کی بنیاد پر ملزم کو 25 سال قید اور42 لاکھ روپے جرمانے کی سزا سنادی
