کراچی(این این آئی)نسلہ ٹاور سے جبری طور پر بے دخل کی گئی خاتون شمیم عثمان انتقال کر گئی،نسلہ ٹاور کے فلیٹ نمبر 104 کی رہاشی خاتونِ شمیم عثمان سپریم کورٹ کا فیصلہ آ نے کے بعد سے شدید ذہنی دباؤ کا شکار تھی۔ مرحومہ پی آئی اے کی سابقہ ملازمہ تھی اور مرحومہ نے سخت محنت اور جدوجہد کے بعد اپنی زندگی کی تمام جمع پونجی لگا کر مذکورہ فلیٹ خریدہ تھا۔ مرحومہ کی عمر 65 سال تھی اور مرحومہ نے سپریم کورٹ، کمشنر کراچی، وزیر اعلی سندھ، گورنر سندھ اور تمام ارباب اختیار لوگوں سے اپیل کی تھی کہ ہمارا گھر، ہم سے نا چھینا جائے لیکن مرحومہ کی کوئی شنوائی نہ ہوئی اور عدالتی حکم پر مرحومہ کو نسلہ ٹاور خالی کرنا پڑا۔