لاہور (مانیٹرنگ ڈیسک )شیخوپورہ کی تحصیل فیروز والا میں لیگی رہنما پل میں گر کر جاں بحق ہوگئے ۔میڈیا رپورٹس کے مطابق ملک ظہیر مسلم لیگ ن کے یونین کونسل چیئرمین ہیں جو موبائل فون پر بات کرتے
ہوئے سوئمنگ پول میں گرے اور جان کی بازی ہار گئے۔افسوسناک واقعہ ملک ظہیر کے بھائی کی دعوتِ ولیمہ کے دوران پیش آیا،خوشیوں والے گھر میں صفِ ماتم بچھ گئی۔عینی شاہدین کے مطابق ملک ظہیر کے چھوٹے بھائی کی دعوتِ ولیمہ ایک فارم ہاؤس پر جاری تھی،جہاں سوئمنگ پول بھی بنا ہوا تھا اور یہ خالی تھا۔ملک ظہیر سوئمنگ پول کے اوپر بنے ہوئے پل سے گزرتے ہوئے فون سن رہے تھے کہ ان کا پاؤں پھسل گیا اور وہ تالاب میں سر کے بل جا گرے۔ولیمہ میں شریک مہمانوں نے ملک ظہیر کو فوری طور پر سوئمنگ پول سے نکالا اور انہیں طبی امداد فراہم کرنے کی کوشش کی لیکن وہ پہلے ہی جان کی بازی ہار چکے تھے۔
شیخو پورہ : ن لیگ کے یو سی چیئرمین ملک ظہیر چھوٹے بھائی کے ولیمے میں فون سنتے ہوئے خشک سوئمنگ پول میں گرنے سے جان کی بازی ہار گئے pic.twitter.com/Cs6pc3iTQM
— Sarfraz Raja (@Sarfraz_Raja90) November 27, 2021
