ہرارے( این این آئی)افریقی ممالک میں کورونا وائرس کی نئی خطرناک قسم کے پیش نظر ہرارے میں موجود پاکستان ویمن ٹیم کو محتاط رہنے کی ہدایات جاری کر دی گئیں،قومی ٹیم آئی سی سی ورلڈ کپ کوالیفائرز میں شرکت کے لیے ہرارے میں موجود ہے۔میڈیا رپورٹس کے مطابق کرکٹ بورڈ میزبان ملک اور
اپنی مینجمنٹ کے ساتھ رابطے میں ہے او رکھلاڑیوں کو بھی احتیاط کے لئے ہدایات جاری کی گئی ہیں۔میڈیا رپورٹس کے مطابق کورونا کی نئی خطرناک قسم سامنے آنے پر آئی سی سی کوالیفائرز رائونڈ کی یو اے ای میں منتقلی اور کھلاڑیوں کی ہرارے سے روانگی کے پلان پر بھی غور کر رہا ہے۔
