جھمرہ (این این آئی)فیصل آباد کے علاقے چک جھمرہ میں پسند کی شادی کی خواہشمند لڑکی کو اہلخانہ نے زنجیروں سے باندھ دیا۔پولیس ترجمان کے مطابق ایک اطلاع پر چک جھمرہ کے ایک مکان پر چھاپہ مارا جہاں ایک لڑکی زنجیروں میں جکڑی ہوئی ملی۔پولیس کے مطابق متاثرہ لڑکی نے بتایا کہ پسند کی شادی کی خواہش پر والد اور ماموں نے اسے زنجیروں سے باندھ دیا اور زبردستی شادی کسی اور سے کرا دی گئی۔پولیس نے لڑکی کے والد اور ماموں سمیت تین افراد کے خلاف مقدمہ درج کرکے والد کو گرفتار کر لیا ،لڑکی کو دارالامان منتقل کر دیا گیا ہے۔