کراچی(این این آئی)روٹیشن پالیسی کے تحت سینئر افسران کے تبادلوں کے بعد سندھ پولیس کے بیشتر افسران کے چارج چھوڑنے کا امکان بتایا جارہا ہے۔سندھ پولیس میں روٹیشن پالیسی کے تحت سینئر افسران کے تبادلے کے معاملے پر کراچی میں ڈی آئی جی ساوتھ آفس میں سینئر افسران کی ملاقات ہوئی، جس میں ڈی آئی جی ساوتھ جاوید اکبر، ڈی آئی جی ایسٹ ثاقب اسماعیل میمن شریک تھے۔ذرائع کے

مطابق ڈی آئی جی سی آئی اے نعمان صدیقی، ڈی آئی جی اسپیشل برانچ نعیم شیخ بھی تھے، افسران نے اسٹیبلشمنٹ ڈویژن کے اظہار وجوہ کے نوٹس کے بعد فیصلہ کیا۔ذرائع نے کہاکہ افسران کی کل وزیراعلی سندھ سے رسمی ملاقات کے بعد چارج چھوڑنے کا امکان ہے۔ذرائع کے مطابق آئی جی سندھ نے کسی افسر کو چارج چھوڑنے یا نہ چھوڑنے کی ہدایت نہیں کی۔