اسلام آباد (این این آئی)وزیراعظم عمران خان نے مختلف ممالک میں5 نئے قونصل خانے(قونصلیٹ) کھولنے کی منظوری دے دی۔ ذرائع دفتر خارجہ کے مطابق نئے قونصلیٹ جرمنی، اٹلی، امریکا اور عراق میں کھولے جائیں گے، یہ مشنز میونخ، نیپلز، اٹلانٹا، نجف اورکربلا میں کھولے جائیں گے۔ذرائع کے مطابق نئے قونصلیٹ کھولنے کا

فیصلہ بیرون ملک مقیم پاکستانیوں کے مطالبے پرکیا گیا ہے،عراق میں نئے قونصلیٹ پاکستانی زائرین کی سہولت کیلئے کام کریں گے، اٹلانٹا میں نیا قونصلیٹ بین الاقوامی میڈیاہینڈلنگ اورپاکستان کے مثبت تشخص کیلئے کام کریگا۔ذرائع دفتر خارجہ کے مطابق وزارت خارجہ ان مشنز پر مزید انتظامی اور دیگر امور پرکام مکمل کرے گا۔