لاہور ( آن لائن )مسلم لیگ نون کے صدر شہبازشریف نے کہا ہے پوری قوم نظام عدل کی طرف دیکھ رہی ہے۔ سابق چیف جسٹس ثاقب نثارکی مبینہ آڈیو کلپ وائرل ہونے پرردعمل دیتے ہوئے شبہاز شریف کا کہنا تھا کہ نئے آڈیو کلپ سے ظاہر ہوتا ہے کہ نواز شریف اور مریم نواز کو سیاسی عمل سے باہر رکھنے کے لئے ایک بڑے منصوبے کے تحت نشانہ بنایا گیا۔ شہبا ز شریف نے کہا کہ ان کے ساتھ روا رکھی جانے والی غلطی کو ٹھیک کیا جائے، پوری قوم نظام عدل کی طرف دیکھ رہی ہے۔ گزشتہ روز سابق چیف جسٹس سپریم کورٹ آف پاکستان جسٹس ریٹائرڈ ثاقب نثار سے منسوب نئی مبینہ آڈیو سامنے آئی ہے جس میں میاں نواز شریف اور مریم نواز کے خلاف سزا پر بات چیت کی گئی ہے۔