کراچی (این این آئی)صوبہ سندھ میں خسرہ اور روبیلا خسرہ کے امراض وبائی مرض کی طرح پھیلنے لگے ہیں، رواں سال 45 بچے جان کی بازی ہار بیٹھے ہیں۔ماہرینِ طب کے مطابق بچوں کے چہرے اور جسم پر سرخ دانوں کا نمودار ہونا، تیز بخار اور نمونیا، خسرہ اور روبیلا خسرہ کی علامتیں ہیں جو سندھ میں تیزی
سے پھیل رہا ہے۔سندھ میں خسرہ اور روبیلا سے بچائو کی مہم 27 نومبر تک جاری رہے گی۔ماہرین طب نے زور دیتے ہوئے کہا کہ احتیاط علاج سے بہتر ہے، والدین کو چاہئے کہ محکمہ صحت کی جانب سے شروع ہونے والی خسرہ اور روبیلا سے بچائو کی مہم کے دوران ٹیکے لگوا کر بچوں کی زندگی کو محفوظ بنائیں۔
