اسلام آباد (مانیٹرنگ، این این آئی)پاکستان اور افغانستان کے میچ میں شاندار چھکے لگانے والے آصف علی کی دونوں ہی ٹیموں کے کپتانوں نے خوب تعریف کی۔ٹی20 ورلڈ کپ

میں گروپ 2 کے اہم میچ میں پاکستان کو 19ویں اوور میں 4 چھکے لگا کر فتح سے ہمکنار کرنے والے آصف علی کی بابراعظم اور محمد نبی نے شاندار الفاظ میں تعریف کی۔افغان ٹیم کے کپتان محمد نبی نے کہا کہ ہمارے پاس تین اسپنرز کافی تھے، راشد خان نے اچھی بولنگ کی، آصف علی شاندار بیٹنگ کرکے پاکستان کو میچ جتوایا۔ پوسٹ میچ پریس کانفرنس کے دوران جب ایک صحافی نے محمد نبی سے سوال پوچھا کہ پاکستان سے ہارنے کے بعد واپس اپنے ملک جائیں گے تو کوئی خطرہ ہے، اس پر انہوں نے کہا کہ آپ کرکٹ کے حوالے سے سوال پوچھیں، حالات کو وہیں پر چھوڑ دیں، ہم ورلڈ کپ کی پوری تیاری کرکے پورے اعتماد کے ساتھ آئے ہیں، ایسی کوئی بات نہیں ہے۔