مکوآنہ (این این آئی )نوکری کا جھانسہ دے کر خاتون کو مبینہ طور پر اجتماعی زیادتی کا نشانہ بنانے اور نازیبا ویڈیو ریکارڈ کرنے والے 3 افراد کے خلاف مقدمہ درج کرلیا ۔تھانہ غلام محمد آباد کے علاقے کبوتراں والا چوک کی رہائشی جنت بی بی نامی خاتون نے مقدمہ کا اندراج کرواتے ہوئے پولیس کو بتایا کہ ملزم ارشد نے نوکری کا جھانسہ دے کر اس کی بیٹی (م) کو بلایا اور نامعلوم مقام پر لے گیا

جہاں پہلے سے ہی اسکے دیگر ساتھی بھی موجود تھے ۔ ملزم نے دیگر ساتھیوں کے ہمراہ اسلحہ کے زور پر اسے مبینہ طور پر اجتماعی زیادتی کا نشانہ بنا دیا جبکہ ملزموں کی جانب سے اس دوران نازیبا ویڈیو بھی ریکارڈ کی گئی جس بنیاد پر اس کی بیٹی کو مبینہ طور پر ویڈیو سوشل میڈیا پر اپ لوڈ کرنے کی دھمکیاں بھی دی گئیں۔ پولیس نے ملزموں کیخلاف مقدمہ درج کرکے کار روائی شروع کردی۔