مکوآنہ (این این آئی )صوبہ پنجاب کے شہر فیصل آباد میں موٹروے پر ٹریلر اور کار میں خوفناک تصادم کے نتیجے میں ایک ہی خاندان کے 4 افراد جاں بحق ہوگئے۔ تفصیلات کے مطابق حادثہ فیصل آباد میں ٹھیکری والا کے قریب موٹروے پر کار اور ٹریلر میں خوفناک تصادم کے نتیجے میں پیش آیا ، جس کی وجہ سے 4 افراد جاں بحق ہوگئے ، جن کا تعلق شورکوٹ سے ہے ، کار سوار یہ 4 افراد اسلام آباد سے شورکوٹ جا رہے تھے کہ

فیصل آباد میں تھانہ ٹھیکری والا کے قریب موٹروے پر تیز رفتاری کی وجہ سے ان کی کار ٹریلر سے جا ٹکرائی۔بتایا گیا ہے کہ حادثے میں کار سوار چاروں افراد شدید زخمی ہوگئے تاہم زخموں کی تاب نہ لاتے ہوئے موقع پر ہی دم توڑ گئے ، جاں بحق ہونے والوں کی شناخت عبد اللہ، عمر دراز، صفدر اور حسین رضا نے ناموں سے ہوئی ، موٹر وے پولیس نے ایمبولینس کے زریعے جاں بحق ہونے والے چاروں افراد کی لاشوں کوہسپتال منتقل کر دی