کراچی(این این آئی)سپریم کورٹ نے تجوری ہائٹس گرانے کا حکم دے دیا۔ عدالت عظمی نے کمشنر کراچی کو انہدام کی نگرانی کرنے کا حکم دیدیا۔جمعہ کو سپریم کورٹ کراچی رجسٹری میں چیف جسٹس آف پاکستان جسٹس گلزار احمد کی سربراہی میں ریلوے اراضی پر

تجوری ہائٹس کی تعمیر کے کیس کی سماعت ہوئی۔دوران سماعت رضا ربانی ایڈووکیٹ نے موقف دیا کہ میرے موکل جگہ خالی کرنے کو تیار ہیں۔ الاٹیز سے معاملات حل کرنے اور اسٹرکچر منہدم کرنے کیلئے مہلت چاہئے۔ سپریم کورٹ نے تجوری ہائٹس گرانے کا حکم دے دیا۔ عدالت نے ایک ماہ میں اسٹرکچر گرانے کا عمل مکمل کرنے کا حکم دیتے ہوئے بلڈر کو ریکارڈ اور دیگر سامان نکالنے کی اجازت دے دی۔سپریم کورٹ نے کمشنر کراچی کو انہدام کی نگرانی کرنے کا بھی حکم دیا ہے۔ سپریم کورٹ نے ہدایت کی کہ الاٹیز کو تین ماہ میں معاوضہ ادا کرکے رپورٹ پیش کی جائے۔ عدالت عظمی نے کمشنر کراچی اور بلڈر کو اسٹرکچر منہدم کرکے رپورٹ پیش کرنے کی ہدایت کردی۔