اسلام آباد(مانیٹرنگ ڈیسک، این این آئی)محکمہ داخلہ پنجاب نے صوبے کے 7 اضلاع میں رینجرز چیک پوسٹیں قائم کرنے کی منظوری دے دی ہے۔ ان اضلاع میں گوجرانوالہ، شیخوپورہ، لاہور، راولپنڈی، جہلم، گجرات اور حافظ آباد شامل ہیں۔ روزنامہ جنگ میں آصف محمود کی
شائع خبر کے مطابق محکمہ داخلہ کی طرف سے گزشتہ روز وفاقی سیکرٹری داخلہ کو بھیجے گئے خط میں وفاقی حکومت کو امن عامہ قائم کے حوالے سے اختیارات دے دیئے ہیں۔ دستاویزات کے مطابق رینجرز کو انسداد دہشت گردی ایکٹ کے سیکشن 5کے تحت اختیارات دیئے گئے ہیں جن کے تحت دہشت گردی کی کاروائی میں ملوث کسی بھی شخص کو رینجرز وارننگ کے بعد ناصرف گرفتار کر نے بلکہ گولی مارنے کے اختیارات بھی حاصل ہونگے۔یاد رہے کہ گزشتہ روزوفاقی وزیر داخلہ شیخ رشید نے پنجاب میں 60 دن کے لیے رینجرز طلب کرنے کا اعلان کرتے ہوئے کہا تھا کہ صوبائی حکومت سندھ کی طرح رینجرز کو کہیں بھی تعینات کرسکتی ہے،پاکستان پر بہت زیادہ دباؤ ہے، غیر ملکی طاقتیں ہم پر پابندیاں عائد کرنا چاہتی ہیں، غیر ملکی طاقتیں ہماری جوہری اور معیشت پر نظریں جمائے بیٹھی ہے، تحریک کی یہ چھٹی قسط ہے ، مجبوری کی حالت میں کہہ رہا ہوں اب عسکریت پسند ہوچکے ہیں،ہم ناموس رسالت اور ختم نبوت کے بھی سپاہی ہیں لیکن ان کا ایجنڈا کچھ اور ہے ،ہم ملک کے حالات دیکھیں، ہم فرانس کے سفارت خانے کو بند نہیں کرسکتے ،مولانا فضل الرحمن ملک کی سنجیدگی کو سمجھنے کی کوشش کریں۔
