ممبئی (این این آئی)بالی ووڈ اداکار شاہ رخ خان کی مینیجر پوجا دادلانی بھی کروز شپ کیس میں این سی بی کی نظروں میں آگئیں۔بھارتی میڈیا رپورٹس کے مطابق سپر سٹار شاہ رخ خان کے بیٹے آریان خان توقعات کے برعکس زیادہ طویل عرصے تک آرتھر روڈ میں قید رہ سکتے ہیں۔منشیات برآمدگی کیس میں گرفتار شاہ رخ خان کے بیٹے آریان خان کا کیس ممبئی ہائیکورٹ میں زیر سماعت ہے، ایسے
میں نارکوٹکس کنٹرول بیورو (این سی بی) کی نئی رپورٹس بتاتی ہیں کہ شاہ رخ کی مینیجرسٹار کِڈ کو بچانے کیلئے سر توڑ کوشش کررہی ہیں۔شاہ رخ خان کی مینیجر پوجا دادلانی قانونی محاذوں پر شاہ رخ خان کے ساتھ دکھائی دیتی ہیں، اب آریان کیس میں بھی وہ پیش پیش ہیں۔این سی بی نے پوجا دادلانی پر الزام عائد کیا ہے کہ وہ تفتیش کو متاثر کرنے کے لیے تمام حربے استعمال کر رہی ہیں۔
