اسلام آباد (مانیٹرنگ ڈیسک /این این آئی )بھارتی اداکار کمال راشد خان بھارتی اداکارہ اننیا پانڈے کی گرفتاری کا امکان ظاہر کر دیا ۔ بھارتی میڈیا کے مطابق راشد خان نے یہ دعویٰ کیا ہے کہ گزشتہ روز نارکوٹکس بیورو نے اننیاکو طلب کیا تھا جس پر اننیا نے ای سی بی کو وضاحت دی کہ

وہ ذاتی کمٹمنٹ پر نہیں پیش ہو سکتیں ۔ واضح رہے کہ بالی ووڈ اسٹار شاہ رخ خان کے بیٹے آریان خان اور اداکارہ اننیا پانڈے کے درمیان منشیات کے بارے میں ہونے والی ایک اور واٹس ایپ چیٹ لیک ہوگئی ہے۔بھارتی میڈیا کے مطابق اس واٹس ایپ چیٹ میں آریان خان اور اننیا پانڈ ے نے مبینہ طور پر ’ویڈ‘ سمیت کئی اور منشیات کی خریداری کے بارے میں بات کی۔رپورٹ میں کہا گیا ہیکہ ’ واٹس ایپ چیٹس میں آریان خان اچیت کمار نامی آدمی سے بڑی تعداد میں منشیات خریدنے کی بات کی ہے‘۔رپورٹ میں مزید کہا گیا ہے کہ ’آریان خان نے اچیت کمار سے80,000 بھارتی بھارتی روپے کی منشیات (ویڈ) منگوائی تھیں‘۔آریان خان کے فون سے برآمد ہونے والے واٹس ایپ ڈیٹا میں دو اور افراد کے ساتھ بھی گروپ چیٹ میں منشیات کے بارے میں گفتگو سامنے آئی ہے۔این سی بی کو اننیا پانڈے کے علاوہ تین دیگر مشہور شخصیات کے بچوں کے ساتھ بھی آریان خان کی چیٹس تک رسائی حاصل ہوگئی ہے۔بھارتی میڈیا کی رپورٹ میں مزید کئی چیٹس کا انکشاف بھی کیا گیا ہے جوکہ جولائی 2019 کی چیٹس ہیں ، ان چیٹس میں آریان خان اور اننیا پانڈے نے مبینہ طور پر منشیات کے بارے میں بات کی اور چیٹ میں’ ویڈ‘ کا ذکر بھی کیا ہے۔