اسلام آباد (این این آئی) مسلم لیگ(ن)پنجاب کے صدر راناثنااللہ نے پنجاب میں مہنگائی کیخلاف احتجاجی مظاہروں کا شیڈول جاری کردیا۔تمام تنظیموں کو ہدایات جاری کر دی گئیں،ان تمام مظاہروں میں عوامی شرکت کو یقینی بنانے اور حکومتی نااہلی،کرپشن،مہنگائی پہ عوام کے ساتھ شانہ بشانہ کھڑے ہونے کی ہدایت کی گئی۔ شیڈول کے مطابق لاہور جین مندر چوک میں نماز جمعہ کے بعد احتجاج ہوگا۔

مظفرگڑھ میں جامع مسجد شہر والی (مین سٹی)سے ریلی نکالی جائے گی۔مری مال روڈ میں شاہد خاقان عباسی کی زیر قیادت احتجاج ہوگا۔جھنگ میں وقار سی این جی پمپ ایوب چوک میں احتجاج ہوگا۔قصور میں ڈیرہ میاں وسیم اختر شیخ(شہباز خاں روڈ)میں احتجاج ہوگا۔میانوالی میں ریلوے اسٹیشن چوک،خوشاب میں مسلم لیگ (ن) ہاؤس کے سامنے احتجاج ہوگا۔بہاولپور میں جمعہ کے روز فرید گیٹ کے سامنے احتجاج ہوگا۔بھکر میں ضلعی سیکرٹریٹ جھنگ چوک،حافظ آباد میں ضلعی سیکرٹریٹ فوارہ چوک نزد پریس کلب کے سامنے احتجاج ہوگا۔عرفان دولتانہ وہاڑی غلہ منڈی سے بلدیہ تک ریلی نکالیں گے۔22اکتوبر کو جوہرآباد خوشاب میں احتجاجی ریلی نکالی جائے گی۔22اکتوبر بروز جمعہ ختم نبوت چوک لیہ میں احتجاج ہوگا۔پی ڈی ایم جمعہ کو ملک بھر میں بدترین مہنگائی، بے روزگاری اور معاشی تباہی کے خلاف احتجاجی مظاہرے کرے گی۔ پاکستان مسلم لیگ (ن) کی ترجمان مریم اور نگزیب کے مطابق مختلف شہروں میں پی ڈی ایم میں شامل جماعتوں کے قائدین اور کارکنان احتجاجی مظاہروں میں شرکت کریں گے،لاہور میں جین مندر چوک سے سہ پہر3 بجے احتجاجی جلوس کا آغاز ہو گا،احتجاجی مظاہرہ جمعہ کی نماز کے بعد کئے جائیں گے،سرگودہا، خوشاب، میانوالی، بھکر، جھنگ، جوہر آباد سمیت پنجاب کے مختلف اضلاع اور ڈویڑن میں احتجاجی مظاہروں کا شیڈول جاری کردیا گیا،

میانوالی میں 24 اکتوبر بروز اتوار 3 بجے سہ پہر ریلوے اسٹیشن چوک سے کمیٹی چوک تک احتجاج ہوگا،بھکر میں 24 اکتوبر کو صبح دن 10 بجے احتجاجی ریلی نکالی جائے گی،پاکستان مسلم لیگ (ن) کے ضلعی سیکرٹریٹ جھنگ چوک بھکر سے احتجاجی ریلی شروع ہو کر کنگ گیٹ تک جائے گی،سرگودہا میں بھی احتجاجی مظاہرے

ہوں گے،پشاور، سوات، شانگلہ سمیت دیگر شہروں میں نماز جمعہ کے بعد 3 بجے احتجاج ہوگا،پاکستان مسلم لیگ (ن) خیبرپختونخوا کے صدر انجینئر امیر مقام کی قیادت میں پشاور میں سہہ پہر 4 بجے احتجاجی مظاہرہ ہو گا،کراچی میں ایمپریس مارکیٹ سے جمعہ کی نماز کے بعد 3 بجے احتجاجی مظاہرہ شروع ہوگا۔

موضوعات:راناثنااللہ