لاڑکانہ(این این آئی)پاکستان تحریک انصاف کے سینیٹر سیف اللہ ابڑو کے قریبی اور اہم ساتھی نے کارکنان سمیت پاکستان پیپلزپارٹی میں شمولیت کا اعلان کردیا۔تفصیلات کے مطابق لاڑکانہ سے تعلق رکھنے والے تحریک انصاف کے رہنما سینیٹر سیف اللہ ابڑو کے اہم ساتھی چنگیز ابڑو نے پاکستان پیپلزپارٹی میں شمولیت کا اعلان کردیا۔چنگیز ابڑو یونین 6 سے
چیئرمین تھے، جنہوں نے ساتھیوں سمیت تحریک انصاف کو خیر باد کہا اور آئندہ سیاست پی پی کے پلیٹ فارم سے شروع کرنے کا اعلان کیا۔پاکستان پیپلزپارٹی کے ذرائع کے مطابق بلاول بھٹو کے سیاسی مشیر جمیل سومرو نے چیگیز ابڑو کی شمولیت میں اہم کردار ادا کیا، چنگیز ابڑو کی شمولیت کو جمیل سومرو کی اہم کامیابی قرار دیا جارہاہے۔
