لاہور(آ ن لائن ) پنجاب میں اسموگ پر قابو پانے کے لیے دفعہ144نافذ کردی گئی۔تفصیلات کے مطابق صوبے بھر میں باقیات جلانے پر ایک ماہ کے لیے دفعہ 144 نافذ کردی گئی ہے۔ فصلوں کی باقیات، ٹائر اور ربڑ کی مصنوعات جلانے پر پابندی ہوگی۔محکمہ داخلہ پنجاب
کی جانب سے نو ٹیفکیشن جاری کردیا گیا۔حکام کا کہنا ہے کہ اسموگ کے خطرے سے نمٹنے کے لیے فوری اقدامات کیے جارہے ہیں۔ نوٹیفکیشن میں کہا گیا ہے کہ فضا کو اسموگ سے بچانے کیلئے پرانے ڈیزائن کے بھٹوں کو بھی بند رکھا جائے گا۔
