اسلام آباد(مانیٹرنگ ڈیسک)اسلام آباد کی مقامی عدالت نے نور مقدم قتل کیس میں فرد جرم کے لیے تاریخ مقرر کر دی جبکہ دوران سماعت کیس کے مرکزی ملزم ظاہر جعفر نے عدالت میں معافی بھی مانگ لی۔ میڈیا رپورٹس کے مطابق اسلام

آباد کی مقامی عدالت نے نور مقدم قتل کیس میں فرد جرم عائد کرنے کے لیے 14 اکتوبر کی تاریخ مقرر کی جبکہ عدالت نے ملزمان کی ڈیجیٹل ثبوت کی کاپی مہیا کرنے سے متعلق درخواست خارج کر دی۔آج ہونے والی سماعت میں نور مقدم قتل کے مرکزی ملزم ظاہر جعفر سمیت 6 ملزمان کو عدالت میں پیش کیا گیا۔ جہاں مرکزی ملزم ظاہر جعفر عدالت میں بول اٹھا اور معافی مانگ لی۔ظاہر جعفر نے عدالت سے استدعا کی کہ میں معافی مانگتا ہوں اور روسٹر پر آ کر بات کرنا چاہتا ہوں۔جس پر جج نے ملزم سے مکالمہ کرتے ہوئے کہا کہ ابھی آپ کی ضرورت نہیں ہے تاہم ٹرائل میں آپ کو بھی سنیں گے۔جس کے بعد جج نے ملزمان کو واپس بخشی خانہ لے جانے کی ہدایت کردی۔

موضوعات:نور مقدم کیس